Yerai Martin: "Las primeras siete jornadas tienen que ser la clave para intentar lograr los objetivos"
El primer equipo femenino comienza mañana la temporada de liga, contra el Betis, en Ipurua
Emakumezkoen lehen taldeak asteburu honetan hasiko du denboraldi ofiziala. Lehen jardunaldia Betisen aurka izango da, Ipuruan, bihar 18:00etan. Yerai Martinen taldeak aurreko denboraldian zuzeneko aurkaria izan zena izango du aurrean, eta helburu berdina zuena: lehen mailan jarraitzea.
Joseba Aguirre iritsi zenean, taldeak "zeraman bolada txarrari buelta ematea lortu zuen, emaitza txarrak zeraman taldea zelako, eta lan handia egin zuen". Beraz, Yerai Martinek partida zaila eta berdintsua espero du bihar, plantillan errefortzuak egin dituen taldearen aurka.
Talde armaginaren jokalari berriei dagokionez, entrenatzaileak jokalari guztien puntu sendoak azpimarratu nahi izan ditu, jakinaraziz nahiz eta esperientzia aldetik Patri Ojedaren kasua bakarrik izan adibide, badute gogoa, anbizioa, gaztetasuna eta posizio ezberdinetan jokatzeko ahalmena. "Talde pixka bat txikiagoa dugu, baina osoagoa, eta orain zelaiean erakustea besterik ez da falta", gehitu du entrenatzaileak.
Aurreko aldietan bezala, entrenatzaileak aldagelan dagoen giro ona azpimarratu nahi izan du, Eibar bereizgarri egin duen talde-sentimendua eta aurreko denboraldiko jokalarien bloke nagusia mantentzea lortu izana goraipatuz.
Azkenik, armaginak animatu ditu biharko partidara gerturatzea, baita denboraldi osoan egitea ere, "jokalarientzat jarraitzaileen babesa ezinbestekoa delako".