Eibarreko PC taldeak ligako txapeldun titulua defendatu du asteburu honetan
Txapelketako playoffa Madrilen jokatuko da
Garuneko paralisia eta hartutako kalte zerebrala duten pertsonentzako 7. Futbol Ligan parte hartzen duen SD Eibar Fundazioko taldeak bere titulua defendatuko du asteburu honetan Madrilen, titulurako playoffaren lehiarekin.
Carabanchelgo (Madril) Antiguo Canodromo Udal Kirol Zentroan jokatuko dira finalerdiak eta finala, Garun Paralisia eta Hartutako Kalte Zerebrala duten Pertsonen Espainiako Federazioak (FEDPC) antolatuta.
Hauek dira sailkapena lortu duten taldeak: AMDDA Málaga, Hércules Paralinpico, SD Eibar Fundazioa eta Fundación Segunda Parte Elecnor. Armaginek ligako fase erregularra lehen postuan bukatu zuten.
Lehen finalerdia maiatzaren 18an jokatuko da, 10:00etan, AMDDA eta Herkulesen artean. Beste finalerdian Eibar eta Fundación Segunda Parte Elecnor izango dira aurrez aurre 12:00etatik aurrera.
Hirugarren eta laugarren postuak maiatzaren 19an izango dira, igandea, 10:00etan eta finala 12:00etan. Topaketa guztiak streaming bidez jarraitu ahal izango dira esteka honen bidez.